"A auga é un elemento clave
cuxa importancia nunca será sobreestimada. A auga aparece como denominador
común entre os retos mundiais máis importantes do noso tempo, como a enerxía,
os alimentos, a saúde, a paz e a seguridade. A xestión da auga pode reducir o
risco de desastres como a seca ou as inundacións. Coas concas fluviais
transfronteirizas e os sistemas acuíferos representado case a metade da
superficie da Terra, a cooperación arredor da auga revélase vital para a
paz."
Irina Bokova, directora xeral da UNESCO
A Asemblea Xeral das Nacións Unidas
proclamou o ano 2013 Ano Internacional
dea Cooperación na Esfera da Auga. Dende a Biblioteca do Xelmírez II
queremos centrar as actividades do último trimestre deste ano (primeiro do
presente curso académico) nesta conmemoración orientando ao alumnado nun
percorrido polo mundo da auga: dende os seus componentes químicos, a toma de
conciencia de que se trata dun ben escaso, a importancia da preservación dos
recursos hídricos para a o medio ambiente e a xustiza social ata o seu papel na
historia e na cultura humanas.
No hay comentarios:
Publicar un comentario