SEMANA DAS LETRAS GALEGAS: LUÍSA VILLALTA

Este ano adícaselle o Día das Letras Galegas á escritora e violinista Luísa Villalta.

Podes descargar este comecocos que se fixo na nosa biblioteca.

Para saber máis, percorre o primeiro andar do instituto!

ENTREGA PREMIOS DÍA DO LIBRO

 

Hoxe entregamos os premios ás gañadoras do concurso do Día do Libro.

Noraboa, Neilyn e Ruth!

CONCURSO DÍA DO LIBRO

 

Anímate a participar no concurso do Día do Libro que organiza a Biblioteca do Instituto. 

Será divertido converterte en protagonista da portada do teu libro favorito!

Tes de prazo ata o día 22 de abril. Non deixes pasar o día!

DÍA MUNDIAL DA POESÍA

 Todos os días son bos para ler poesía, pero hoxe máis ca nunca.

       Un verso nunca vale
       o que vale o chío dun paxaro,
       nin ten a forza dun río
       ou o poder arrepiante dunha bala.
       Pero eu sigo fidel, encadeado
       á música amorosa das palabras.

                          Manuel María, Remol (1970)

DÍA DA MULLER

O IES Arcebispo Xelmírez II, dentro do programa de actividades de marzo, quere visibilizar e revalorizar o traballo das nosas mulleres. O equipo de biblioteca agradece a todas a súa colaboración no noso mural.

23 DE FEBREIRO, DÍA DE ROSALÍA

Os versos de Rosalía enchen os corredores do centro. Búscaos! Sorprenderanche as versións musicadas dos seus poemas.

ANDREA MACEIRAS

Hoxe 2 de febreiro, celebración da  Candeloria, día que casan os paxariños e que a metade do inverno vai fóra, tivemos a sorte de compartir tempo coa escritora Andrea Maceiras.

Moitas grazas por adicarnos estas sesións para afondar máis sobre O que sei do silencio, Andrea! Foi un verdadeiro pracer!

XOGOS NA BIBLIOTECA

 Volveron os xogos de mesa os venres á Biblioteca Xelmírez II. Apúntaste?

BO NADAL!

 Moitas grazas ao alumnado que colaborou na elaboración das estrelas e das letras!

XA É NADAL NA BIBLIOTECA!

 

OBRADOIRO DE PREHISTORIA

A nosa biblioteca acolleu un entretido e didáctico obradoiro sobre a Prehistoria.

O alumnado de 1º eso apredeu a tallar pedra, facer lume e pintar con técnicas ancestrais.

NON MÁIS VIOLENCIA CONTRA A MULLER!

 

A lectura pode abrirche os ollos! 

Na entrada do centro, a biblioteca expón unha escolla de libros que teñen como temática a violencia contra as mulleres. 

Na  adolescencia tamén existe violencia de xénero. Como detectala? Seguro que algunha das novelas che pode servir de axuda.

Ánimate a ler!

NA BIBLIOTECA TAMÉN SE XOGA

Os venres, nos dous recreos, achégate á biblioteca. Temos unha monitora que nos trae xogos didácticos variados e divertidos!

Esperámoste!
 

DÍA DAS BIBLIOTECAS ESCOLARES

Hoxe conmemórase o día das bibliotecas escolares. 

Comparte o teu libro favorito!

 

Anímate a particiar no concurso de fotografía do Samaín!

Envíanos ao correo da biblioteca (bibliotecaxelmirez2@gmail.com) unha foto terrorífica tomada mentres les un libro de medo.

Prazo: ata o 27 de outubro.

Dous premios por categoría!

DÍA DAS ESCRITORAS

Homenaxe da Biblioteca do Ies Arcebispo Xelmírez II ás mulleres escritoras.  

Polos corredores do centro poderás atopar carteis con información de 30 mulleres escritoras en lingua galega, portuguesa, castelá, francesa e inglesa.

Algunhas seguro que as coñeces; outras descubriralas!

HORA DE LER

O vindeiro luns día 16 de outubro comeza a hora de ler. Non esquezas levar o teu libro á clase!

Se aínda non escolliches lectura, podes pasar o venres pola biblioteca e decidir entre narrativa, poesía, teatro, manga, cómic... 

Consulta as novidades!

Mañá, venres 5 de outubro, comeza o obradoiro de xogos de mesa na Biblioteca, no primeiro e segundo recreo.

Non quedes sen a túa praza! Aforo limitado.

APERTURA BIBLIOTECA

 

A biblioteca do IES Arcebispo Xelmírez II xa está aberta durante todos os recreos cos seguintes servizos activos: préstamo e devolución de libros, consulta, xogos de mesa didácticos e sala de lectura. 

En breve organizaranse actividades das que se informará no taboleiro exterior.

O equipo de Dinamización da Biblioteca quere agradecer a colaboración de todo o alumnado voluntario que fixo posible que este espazo aberto a toda a comunidade educativa comece a camiñar este curso 2023-24.

YOLANDA CASTAÑO, PREMIO NACIONAL DE POESÍA

 

Noraboa, Yolanda! No IES Arcebispo Xelmírez II estamos moi orgullosos/as de que unha grande poeta galega lograse este premio.